عماد مجاهد المعروف فنيا ب IM Beats، تزاد فمدينة تطوان سنة 1995 هو منتج و مهندس صوت و Beatmaker.
بدا الموسيقى ف 2009 مع مجموعة الراب Under Flow، ولي حققوا فيه نجاح و اقدروا يديرو البلاصة ديالهم فالراب الشمالي ولكن المجموعة غادي تفرق.
عماد غادي يطلق أول هيت ديالو لي غادي يتعرف بيه فسنة 2017 مع الرابور Mr Crazy بعنوان “NADA” ولي كان Beatmaker.
من بعد هاد العمل IM Beats غادي يبدا يتعرف فالراب المغربي كواحد من أحسن Beatmakers المغاربة و غادي يبدا يخدم مع بزاف الفنانين بحال Lferda، Moro، Ali Ssamid، KDK…
من بعد ماربح الثقة ديال الفنانين IM Beats غادي يكون هو المشرف و المسؤول على بزاف الالبومات و mixtapes لي غادي يخرجوا و غادي يتكلف بالانتاجات ديالهم بحال mixtape ديال KDK بعنوان “Talento Muerto” و Ep ديال Demon بعنوان “1994” والبوم Lferda بعنوان “Cauchemar” و البوم “Capitanos” ديال Ali Ssamid.
عماد قدر فسنوات قليلة يحقق نجاحات كبيرة و يطبع الاسم ديالو فالراب مغربي كواحد من أحسن beatmakers فتاريخ الراب المغربي.
