سليم المعروف فالساحة الفنية ب D33psoul هو DJ و منتج موسيقي تولد فمدينة الصويرة سنة 1994، بدا الشغف ديالو للموسيقى كايبان فسن صغير. منين كان عندوا 7 سنين بدا كايتعلم للالات الموسيقية بحال البيانو، الغيتار و violon…
فسن مابين 14 و 18 السنة قدر سليم يربح فبزاف المسباقات و العروض الموسيقية، وبدا كايهتم بالموسيقى الالكترونية و بدا كاينتجها و نفس الوقت كان كايكمل قرايتو في الهندسة.
سليم أو D33psoul غادي ينضم ل PalmTherapySounds وصبح هو المدير الفني ديالها، من بعد غادي يدير remix لبزاف الفنانين بحال Edith Piaf ولي كانت سبب باش يتعرف فالساحة الموسيقية الفرنسية.
ماغاديش يحبس هنا D33psoul غادي يدير remix لفنانين عرب مشهورين بحال فيروز، عمر دياب… ولي غادي يخلي يتعرف حتى فشرق الاوسط و يكون عندو جمهور فيه.
من غير الانتاج الوسيقي D33psoul هو DJ ودار show ديالو فأحسن الملاهي الافريقية، الاوروبية و الشرق الاوسط.
بمناسبة العروض لي كايدير ديما كايطلق remix و الانتاحات جديدة ديالو باش الناس لي حاضرين كايسمعوها قبل من كلشي و يكون show لي خاص.
قدر D33psoul فسنوات قليلة يحقق نجاحات كبيرة و الانتجات ديالو توصل للعالمية و كايتعتابر من بين DJs المغاربة قلال لي قدرو يوصلو الموسيقى الالكترونية المغربية للعالمية.
