بعد زهاء ثلاثة أشهر من الصمت خرجت الفنانة الشابة ريم فكري للحديث عن الأزمة التي مرت بها عقب اختطاف زوجها من أمام بيته وقتله من طرف عصابة للمخدرات يتزعمها شخص يدعى «التوربو» حيث كشفت عن المعاناة التي لحقتها، وذلك عبر رسالة مطولة على حسابها الرسمي على انستغرام و اطلاق فيديو كليب اغنية فيديو كليب بعنوان “23”.
وقالت ريم فكري في رسالتها: «معروف أن الناس ديما كينقاسمو على جوج.. جهة معاك وجهة ضدك جهة باغا ليك الخير وجهة باغا غا تشفا. أنا رجعت لور وبقیت غي كاتفرج.. أولا تعلمت أن عمرك تجاوب منين تكون معصب أو حزين بزاف، ثانيا ربي كيبليك بشي موصيبة إلا وأنه عارفك راك قاد عليها، اختيار العائلة قبل الرجل لي غاتكملي معاه حياتك، الصمت هو سلاح قوي وليس ضعف أول مرا غانعرف شناهو الصبر وأنك تشوف بنادم كياكل ليك فلحمك و نتا صابر والصبر فيه حكمة كبيرة ».
وأضافت ريم: « الضعف كيتحول القوة من بعد، والمشاكل أو المصائب كيخليوك تلجأ إلى الله و تآمن بأن كلشي كيوقع لينا من موراه درس و حكمة. وفالاخير لقيت غي عائلتي وشوية ديال الصحاب لي ما توقعتش واوقفو معايا فجنبي واخا الصراحة راه تا حد ماكان غايحس بیا اصلا.. حيث المزود تخبطت بیه بوحدي والصراحة تا اغلبية المغاربة لي قالو كلمة زوينة فحقي ودافعو على الحق شكرا ليكم. ماعمري فحياتي غانبقا نتيق اي حاجة كاتقال ف السوشل میدیا تا من عند هادوك لي بالنسبة ليا كانو مصادر موثوقة الحقيقة كيعرفها غي الله والمعني بالامر ».
وتابعت الفنانة الشابة: «ماشي ساهل نرجع كيف كنت ولكن غانرجع حسن من كيف كنت انشاء الله، درت une thérapie صليت بزاف دعيت الله بزاف باش إفرجها عليا وإعطيني الصبر والثبات. جاوني الضرابي من كل جهة ومع دالك بقيت شادة فراسي، يمكن كون كان شي حد خور كون تصطا. الحياة قصيرة وما بقيت بغيت نضيع تا شي وقت ولواحد ماكدي معاه والو حليت عيني على بزاف ديال الحوايج والحمد لله على كلشي أنا راضية بحكم الله و تايقة فالقضاء إياخد الحق والمحكمة الالاهية لا يعلا عليها هي أحسن من كلشي ».
واستطردت: « كل واحد كيعرف كفاش إعبر على داكشي لي كيحس بيه. انا مکنعرفش نهضر بزاف كلشي كنكتبو… في الاخير عارفة ان الحياة تستمر والحمد لله على نعمة النسيان. وعارفة أن الوالدین مضرورین ومحروقين أكثر. لكن كانسول راسي سؤال واحد لي مزال مالقيتش ليه الجواب لي هو علاش؟ علاش العائلة تهجمات علية ومرحمونيش.. عمرني اديتهم أو قللت عليهم الاحترام و تا دابا مغايسمعوش مني كلمة ديال العيب حيت كيبقاو والدين و الى كان داكشي لي دارو برد عليهم شوية الحرقة ديال ولدهم فماشي مشكل.. صرتها وكمتها فقلبي.. وإحتراما لداك السيد لي مشا عند الله، ماعنديش الحق نهضر نيابتا عنه او حتى ندافع على راسي حيت هو مكاينش باش تاهو إدافع على راسو كلشي فيد القضاء وأنا براسي معارفاش كثر منكم وماتيقوش أي حاجة حيت التحقيق غادي فالسرية التامة وإكون دار لي دار، إكون انسان خايب أو مزيان. ماکيستاهلش داكشي لي طرا ليه ونقدر نأكد ليكم أنه كان رجل طيب و کدير الخير بزاف ».
فيديو كليب اغنية “23” للفنانة ريم فكري قدر يتصدر الطوندونس المغربي فاقل من 12 ساعة على الاطلاق ديالو باكثر من نصف مليون مشاهدة على منصة اليوتوب.
