سفيان حاري او 7ari، واحد من شباب لقدروا يديرو لراسهم سمية وسط ساحة الراب المغربية.
سفيان بدا الموسيقى فسن صغير بزاف بدا كايتعلم گيتار هاد الالة لي غادي تخليه يكتاشف بزاف ديال انواع الموسيقى بحال (Rock, Pop, RnB)، هادشي ماغاديش يمنع سفيان باش يكمل قرايتوا لي كمل فيها و خدا ديبلوم فلانفوگرافيو السمعي البصري لي غادي يعاونوا باش يخلق علاقات كتيرة فالمجال الموسيقي.
حاري او 7ari و هو الاسم لي كايعرفو بيه الجمهور، بدات المسبرة الفنية ديالو ف 2012 منين طلق اول طراك ديالو بعنوان “ماعندكم ماديرو”، ولي تبعوه بزاف ديال طراكات ولكن مالقاوش نجاح.
سفيان غادي يدخل مع واحد المجموعة ديال الراب و لي سميتها (Tawra Crew) ولكن ماغاديس يلقا الراحة ديالو و غادي يقرر يكمل بوحدو.
سفيان غادي يتلاقا بأسامة كحلاوي ولي هو المؤسس ديال ‘IZI NOISE’ لي غادي يخدم معاه فالمونطاج ديال فيديوات، فهاد الوقت سفيان غادي يسجل اول ميكستايب ديالو (SYMPHONY).
2016 غادي يكون عام لي بدل الحياة ديال سفيان من بعد ماطلق طراك بعنوان “Amigo” ولي غادي يلقا اعجاب كبير من عند الجمهور ديال الراب و يخلي الجمهور يكتاشف الموهبة الجديدة فالراب المغربي، هادشي لي غادي يخلي @7ari يطلق فيديو كليب جديد بعنوان “L’Oseille” ولي غادي يخلق جدل كبير و اتهامات ليه بسرقة حقوق التأليف و الفيديو كليب تمسح من يوتوب، فوسط هاد الظروف سفيان غادي يسيني عقد مع شركة (PMP Record)، و غادي يطلق فيديو كليب جديد لي غادي يلقا نجاح كبير عربيا.
المسيرة ديال سفيان عرفات جدل كبير و نجاحات كتيرة
