عثمان عتيق المشهور ب Mr Crazy تزاد فمدينة الدار البيضاء سنة 1997, بدا المسير ديالو فالراب سنة 2006، وأول mixtape ديالو كانت بعنوان “فنان بين دروب” ، ولي ماشاركهاش مع الجمهور.
2008 طلق mixtape جديدة بعنوان “Music To All People”، من بعد منها Mr Crazy حبس الراب لمدة 4 سنوات.
رجع ف 2012 ب mixtape جديدة بعنوان “سامع لراسي فصقيل” ولي حطها ف انترنيت و باعها ف Showcase.
2013 مسح طراكات ديالو كاملين، ورجع ف 2014 بفيديو كليب بعنوان “Fatcha M3absa” ولي دار بيه البوز و تعرف بيه عند الجمهور وعدد المشهدات ايفوت 5 مليون فيوتوب.
نفس السنة غادي يطلق فيديو كليب “حياتي ناقصة” ولي غادي يكون سباب Mr Crazy يدخل الحبس، ويدير ضجة كبيرة فالمغرب بسباب حرية تعبير.
من بعد مدة عام فالحبس خرج عثمان وطلق أول ألبوم ديالو بعنوان “L88” ولي كايعاود فيه على التجربة ديالو فالحبس، الألبوم لقى نجاح كبير فالوسط الفني وكانوا فيه featuring مع Dub Afrika، M-Fix, Klass-A.
2016 علن على mixtape جديدة بعنوان “Laguerrvie” ولي بان فيها ميستر كريزي جديد، بستيل جديد ديال الموسيقى و الكتابة.
2017 فيديو كليب “ماشي مشكل” لقى نجاح كبير و كان من بين احسن 10 طراكات راب فالسنة ولي هضر فيه على مشاكل الشعب و المعنات ديالهم، وربح بيه جائزة أحسن رابور فمسابقة Morocco Music Awards.
2020 طلق Ep جديدة بعنوان “Kacho_15” ولي فيها 7 طراكات ولقات نجاح كبير.
ميستر كريزي كايتعتابر من اهم 10 فنانين راب فالجيل الجديد، من حيت الارقام و قوة الطراكات وقدر يوصل موسيقتو للعالم العربي.
