توفيق حازب المعروف ب Don Bigg واحد من بين لي دخلو ثقافة الراب في المغرب و دوزوها ف الMedia و نشروها و كايتعتابر من اعمدة ديال الراب المغربي.
Don Bigg تعرف ب لقب اخرة لي هي : الخاسر بسباب الستيل ديالو في الكتابة و الكلام لي كان كايستعمل في الاغاني ديالو لي كانو كلمات جريئين و مامتعودش عليهم الجمهور لمغريبي يسمعهوم. توفيق خدا الباك ديالو و اتجه نحو دراسة القانون و تحديدا المحاماة، لكن الشغف لي عندو ديال الموسيقى اتخليه يحبس الدراسة و يكمل في طريق الراب.
توفيق غادي يبدا راب و هو في عمرو 14 سنة و بدا كايغني ب l’Anglais و داز من بزاف ديال groupes ولكن Groupe لي غادي تبان فيه السمية ديالو Don Bigg و يدير بلاصتو ف الراب هو Mafiac و لي غادي يخليه يكتاشف طريقة ديال كتابة جديدة و يعاونو باش يدير ستايل ديالو بوحدو من بعد Don bigg غادي يقرر يكمل المسيرة ديالو بوحدو و غادي يقرر يخرج اول البوم ديالو ف 2006 لي سماه : “Mgharba tal mout”. هاد البوم لي دار اكبر Buzz ف تاريخ الراب المغربي وخا خرجات غير 100 نسخة منو ولكن دياسك لي كانو ف الالبوم تيليشارجاو بزاف بحال ( Bladi blad … )
في 2009 غادي يخرج البوم تاني ديالو لي سماه : “Byed w Khel” لي كانو فيه Featuring مع فنانة عالميين بحال La Fouine و FreedWreck لي هو Beat Maker ديال Snoop doog ، و هاد البوم لي كان من سميتو معروف الموضوع لي غايتلعب فيه و هو الواقع ديال المغريب من فساد و ظلم و بزاف د لبلانات سلبية و كان فيه واحد ديسك دار فيه dedicace ل الناس لي عاونوه ف المسيرة ديالو ك رابور و من بينهم Mastaflow. هاد ديسك بي سميتو ( k7al w Byad ).
و هاد البوم دون بيك غادي يبين بزاف ديال روابا لي داخلين ف اللعبة دابا بحال Nessyou ، Shayfeen ، Dizzydros ، FatMizzo ، Sadjim …
من بعد Donbigg غادي يغبر و يرجع بواحد Track سميتو Mabghitch ، هاد ديسك لي كايهضر على سياسة و على الانتخابات ، حيت داك الوقت كانت كترات لهضرة بلي Don Bigg باع لماتش ولا تابع لحكوم و خرج ب هاد ديسك باش يقول ل الجمهور ديالو بلي راه باقي ف صباغتو و ماكيتبدلش كيف عرفوه نهار لول.
من بعد غادي يرجع ب Featuring مع AhmedSoltan و لي سماو Track : TJR لي كاتعني Toufik Junior، هاد ديسك لي كايهضر فيه على ولدو و على الوالدة ديالو و العائلة الصغيرة ديالو. هاد الديسك غادي يلقى اقبال كبير من عند الجمهور و اي واحد كايسمعو كايقيسو، ديسك لي بيِّن DonBigg ب واحد الطريقة لي عمّر الجمهور كان عرفو بيها و ب طريقة نقية لي قدر اقيس بيها الجمهور المغريبي كامل من الصغير ل الكبير.
من بعد نجاح د TJR ل Bigg غادي يعلن بلي غادي يخرج البوم و سميتو Talet هاد البوم لي كان فيه بلانات فشكاال من حيت ستايل لي ملعوب بيه، كان فيه الراب مع الروك و تسجل عند Studio ديال بيغ ( DBF Record ).
