ايهاب اقبال المعروف ب حليوة او 7liwa، كايتعتابر من اهم نجوم راب فالجيل الحالي ولي قدر يبدل بزاف ديال الحاجات فالراب المغربي.
ايهاب بدات المسيرة الفنية ديالو ف 2013 من بعدما طلق اول فيديو كليب ديالو بعنوان “الضحك تقادا” ، ولي غادي يلقا اعجاب جمهور الراب، من بعد الفيديو كليب 7liwa غاظي يطلق اول طراك فتاريخ الراب المغربي فيه كتر من 10 دقائق بعنوان “بطل العالم” ولي فمدة قصيرة قدر يوصل لجمهور الراب و لي دار ضجة خصوصا طريقة لكتابة ديالو.
2015 ايهاب غادي يطلق اول طراك من ميكستايب (ولد فاطمة) ولي غادي تكون نقطة تحول فالمسار ديال حليوة بحيث بدل الستيل و طريقة الكتابة ديالو و لي غادي يلقا اعجاب كبير من الجمهور و يعرف بداية نجاح حليوة كنجم راب، من بعد نجاح الكبير ديال اول طراك حليوة غادي يطلق طراك لي غادي يبدل ليه حياتوا و يخلي كلشي يهضر عليه ولي هو (Nik DT)، و يخلي كلشي يبغي يخدم معاه من المغرب ولا خارج المغرب بحال الرابور الفرنسي الجزائري Soolking، 7Toun…
حليوة علن على انه سينا عقد مع شركة الانتاج العالمية Sony Music باش تنتج ليه اول البوم فالمسيرة ديالو و لي بعنوان (La Street)، هاد الالبوم لي كانوا فيه اعمال عالمية و لي جمعات حليوة بفنانين عالميين بحال MisterYou، Balti، Yonii …
حليوة او 7liwa خلق بزاف الجدل فوسط الراب مغربي و عرف كيفاش يخلق بزاف الفرص و ساعد بزاف ديال الروابة لي كاينين فساحة الراب حاليا.
