عبدالاله لمريق المعروف ب DJ Abdel، تولد فمدينة الدار البيضاء و هاجر مع العائلة ديالو لفرنسا بضبط مدينة باريس تما فين كبر.
عبدالاله عضو فمجموعة (Black Blanc Beur) لي غادي يعطيه فرصة يخدم فعدة دول بخال هولاندا، المانيا، سويد و امريكا. عبدالاله غادي يتلاقا مع DJ Cut Killer لي حتى هو مغربي و غادي يقرروا يديروا شركة انتاج Double H، لي من خلالها غادي ينتجوا البوم لمجموعة الراب @113.
لي غادي يخليهم يتعرفوا كتر و يتعاملوا مع بزاف ديال الاذاعات ففرنسا. عبد الاله غادي بولي DJ رسمي ديال اذاعة Fun Radio الفرنسية ولي ايزيد من شهرة ديالو هو غادي يكون DJ ديال حفل ملكات الجمال فرنسا ف 2008.
2011 غادي تكون سنة لي غادي تغير بزاف فحياة DJ Abdel منين غادي يطلق جوج اغانية لي غادي يتصدرو افضل اغاني ففرنسا و غادي يترشح لجائزة NRJ Music Awards. عبدالاله قدر يخلي لمسة ديالو و يطبع الاسم ديالو فالساحة الموسيقية الفرنسية و العالمية.
