امين بن عمر المعروف ب امينوفيس Aminoffice ، واحد من أعمدة ديال RAP المغربي ولي كون مكانش هو، بزاف ديال حوايج مكانوش غادي يكونو ف Rap المغربي.
Aminoffice ولا Azzaime ( الزعيم ) ، زعيم ديال Rap المغربي، بدا Rap ف اواخر ديال الثمانينات. ولكن غادي يبان ف 1993 هو اول واخد غنى Rap ب الدرجة. هادشي لي بداه هو و صاحبو د الطفولة (Bousselham Benkhedda). دارو اول مجموعة ف تاربخ Rap المغريبي و لي سماوها (Dragons Blancs). ولي معروف على هاد المجموعة كانو هما اول وحدين غادي يدوزو الاغاني ديالهوم فالراديو (Rabat Chaine Intern). طلعو ف بزاف ديال المهرجانات و اندية ليلية معروفة. و كانو كايطلعو معاهوم بزاف ديال Dj’s منهم ( Dj Nouwass , Dj Vib , Dj Rachidb).
ف 1996 غادي اطيح واحد Track ديالهم ف اليد ديال (Mohamed Hamid Alaoui). هاد السيد لي كان هو المدير ديال واحد دار الموسيقى لي كانت سميتها (Adouae AL MAdina). لي غادي تكون اول شركة غادي تخرج ألبوم ديال راب مغريبي وخا ماكانش التخصص ديالها. من بعد Bousselham غادي يقرر يخلِّي (Dragons Blancs). و يكمل حياتو بعيد على الموسيقى و الراب. هنا غادي يبقى Aminoffice و Dj Dem Jam لي غادي بديرو مجموعة ديالهم بوحدهم و يسميوها (Double A). لي هو الحرف لي بيع كايبداو سمياتهم (Amine / Ahmed).
فلخر د 1996 و 1997 (و بالظبط فليلة ديال راس العام): Double A غادي يدوزو ف التلفزة و بالضبط ف (2M). لي كان اول ظهور ديال الراب المغريبي ف التلفزة. لي من بعد منها غادي يخرجو (Double A) البوم تاني لي سماوه (Al Ard Bkat). و من موراه البوم تالت لي سماوه (M3ak Dima M3ak)، لي من موراها غادي تفتارق المجموعة ديال Double A و غادي يبقى ( Aminoffice ) بوحدو و يكمل داكشي لي بدا.
من بعد غادي يوقعو شي مشاكل مابين (Aminoffice) و Media و بالضبط ف (Ajial-2M) و ف (Momo-Hitradio). لي غادي يخليو (Aminoffice) يبدل الطريقة ديالو ف الكتبة و يبدا ف style آخر. لي يكون قاسخ بزاف و anti-systeme. من بعدها غادي يحبس واحد المدة و غادي يرجع ف 2013 ب البوم جديد لي سماه (Kouna W Kantou).
