يونس ايت تعرابت المعروف فنيا ب نيسيو (Nessyou) تزاد فمدينة مراكشي سنة 1987، من الصغر ديالو كايعجبو الراب فرنسي بحال Fonky Family, IAM…
يونس غادي تجيه الفكرة باش يدا الراب من بعد ماسمع لمجموعة الراب الجزائرية MBS، وسجل أول طراك ديالو ب walkman.
كايتعتابر Nessyou ملك القافية فالراب المغربي و هادشي لي مييزو على بزاف فنانين الراب، زائد اللهجة المركشية لي كاتعطي طابع خاص لموسيقتو.
2009 غادي يكتاشف جمهور الراب Nessyou ف mixtape ديال دون بيغ بعنوان “بيض و كحل” ، ولي شاركوا فيها بزاف الفنانين بحال شايفين، ديزي دروس…
2013 طلق أول طراك من Ep بعنوان “Anormal”، هاد Ep غادي تلقى نجاح كبير و تخلي الجمهور يعرف شكون هو نيسيو.
2016 طلق فيديو كليب طراك جديد بعنوان “Taghawssa” لي دار بوز و لقى اعجاب الجمهور و استاطع يفوت +1 مليون مشاهدة فاليوتوب.
2018 نيسيو طلق أول طراك من Net-Tape لي بعنوان “Amdra”، ولي الهدف منها انه يعاون المواهب جديدة فراب يبانو بحال Dada، Ouenza، Xcep وشاركوا فيها فيها فنانين معروفين بحال L’Morphine و Lwind…
2019 كان من بين الفنانين الفائزين في النسخة السادسة ديال Visa For Music.
2020 طلق Ep جديدة بعنوان “خاتر” ولي بشراكة مع Dj Sim-H.
