مهدي محب أو Mpsy أو L’Morphine تزاد فمدينة سلا و انتقل مع الأسرة ديالو لمدينة مراكش، قبل الاستقرار فمدينة مراكش تنقل لبزاف المدن المغربية بحكم طبيعة عمل الأسرة ديالو.
بدا L’morphine فالراب سنة 1998 وكان الإسم الفني ديالو MPsy ولي كان كايدير الراب كهواية و ماكانش كايشارك طراكات ديالو مع الجمهور.
2004 قرر L’Morphine باس يخرج عند الجمهور و يشارك الموهبة ديالو معاهم و طريقة الكتابة ديالو لي كايستلهمها من الواقع الشعبي المغربي.
2006 أسس المورفين أول مجموعة راب بإسم Prinaha Labo، ولكن ماغاديش يطول و غادي يقرر يكمل بوحدو باش يلقى الراحة كثر فطريقة الكتابة لي كانت مختلفة و مايكونوش عوائق.
نفس سنة طلق المورفين أول maxi بعنوان “مغنطيس” ، و ف 2009 طلق maxi ثاني بعنوان “ناقوس”.
المورفين كايتعتابر من فنانين الراب المغاربة لي عندهم أكبر Discographie ولي كاتكون من أكثر من 200 طراك.
ولكن أهم مشروع ولي غادي يكون عبارة على ألبوم بعنوان “2020” ولي من المرتقب يخرج سنة 2020 كايتعتابر من أهم و أكثر الألبومات لي كاينتظرهم جمهور الراب المغربي.
