تفاجئ الجمهور المغربي لي عندوا اشتراك فالمنصة العالمية لعرض الافلام Netflix بتواجد اغنية للفنان و الرابور المغربي Don Bigg فاحد المسلسلات المعروضة على المنصة.
المسلسل لي بعنوان “Inventing Anna” كايحكي على قصة ديال واحد البنت ولي الاسم ديالها Anna Sorokin و كاتكون هي “الوريثة المزيفة”.
كايتكون المسلسل المعروض على منصة Netflix من 9 الحلقة و المفاجئة لكبيرة كانت فالحلقة 6 لي تم تصوير ديالها بمدينة مراكش المغربية فين غادي يسمع الجمهور المغربي موسيقى طراك “KG170” الرابور توفيق حازب المعروف باسم Don Bigg.
و خرج طراك “170KG” فسنة 2018 ولي كان دار ضجة كبيرة فالساحة الفنية المغربية و العالمية و حقق نجاح كبير فالمغرب و العالم العربي بأكثر من 34 مليون مشاهدة على اليوتوب.
