حمزة المعروف فنيا ب Klass–A أو الحاج، هو رابور و مغني وكايعزف على الغيتار، تزاد فمدينة الرباط لي دوز فيها الطفولة ديالو، و غادي يرحل مع العائلة الديالو لمدينة تمارة نواحي الرباط.
حمزة من غير الراب و الموسيقى عندو باك+4، و كايخدم حر فالأنترنت.
كايتعتابر Klass–A من فنانين الراب القلال لي قدرو يكونوا فالأجيال بجوج ديال الراب المغربي، بدا الراب ف 2001 والفضل كايرجع للأخ الكبير ديالو لي عاونوا بزاف باش يبدا الراب.
حمزة غادي يبدا يسجل الأغاني و ينتجهم ولكن غادي يفرقهم غير على صحابوا و الناس لي كايسكنوا حداه و لي كايقراو معاه.
فالبدايات حمزة غادي يلقى مشاكل باش يلقا شي واحد لي يدير ليه refrain، هادشي لي غادي يخليه يمرن الصوت ديالوا و يبدا يغني أنواع مختلفة من الموسيقى من غير الراب بحال Rock و RnB، و غادي يطلق أول أغنية RnB ف 2006.
2012 غادي يعلن Klass-A بلي غادي يطلق وحدة من أشهر mixtape فالمسيرة ديالو بعنوان It’s not over، ولي غادي يدوز بيها فالراديو.
2013 غادي تعرف تأسيس أشهر collectif فالراب المغربي بإسم Rabat DC ولي أسسها مع صاحبو Ljasos، و غادي يطلقوا أول طراك ليهم بعنوان “Fuck 3ala Tol“، من بعد 3 سنين غاظي يتفارقوا.
2017 غادي يعلن حمزة على أول طراك من ألبوم جديد AURA ولي غادي يكون بعنوان “SDF”.
