لأول مرة فالعالم العربي، حقق فيديو كليب اغنية “لمعلم” ديال الفنان و النجم المغربي العربي سعد لمجرد أكثر من مليار مشاهدة على اليوتوب هادشي لي غادي يخليه يدخل لموسوعة غينيس.
فيديو كليب أغنية “لمعلم” ولي خرجات للوجود سنة 2015 و كانت بداية نجاح الفنان سعد لمجرد و الاغنية المغربية فالعالم العربي و العالم كامل.
الاغنية لي عرفات نجاح كبير و خلقت ضجة من اول يوم بسبب فيديو كليب ديالها لي كان خارج على العادة و التقليد العربية ولي كان من اخراج المبدع أمير الرواني، و توزيع و كلمات و الحان جلال الحمداوي.
للأشارة ان فيديو كليب اغنية “لمعلم” سبق له و دخل لموسوعة غينيس كأول فيديو كليب مغربي عربي غادي يحقق أكثر من 100 مليون مشاهدة.
