حمزة ناهي المعروف ب Hamza Hard تزاد فمدينة الدار البيضاء، هو رابور و مغني البوب و RnB.
بدا الراب ف 2009 و غادي يطلق أول طراك ديالو ف 2010 وبدا كايدير featuring مع بزاف ديال الفنانين قبل مايكمل بوحدو.
حمزة هو فنان متعدد المواهب الموسيقية واها السن ديالو لي كان صغير قرد Hamza Hard يدير بلاصتو فساحة الراب المغربي.
2012 طلق أول maxi ديالو بعنوان “بلا صباغة” ، ولي فيه 6 طراكات ولي كان كايهضر على مشاكل الشعب المغربي.
من بعد عام و بضبط 2013 غادي يطلق أول mixtape ديللو بعنوان “صداع” ولي كاتكون من 13 طراك و 3 فيديو كليب لي لقاو نجاح كبير فساحة الموسيقية.
الرابور Hamza Hard غادي يغبر عاميين و غادي يرجع ف 2015 بأغنية جديدة بعنوان “الحياة” ولي كانت بستيل جديد هو (Slam).
2016 طلق أول فيديو كليب من البوم بعنوان “عايش عالمي”.
كايفتاخر حمزة بالأصول ديالو الأمازيغية و كايتعتابر من بين أول فنانين الراب لي غناو بالأمازيغية.
و معروف عليه كذلك العلاقات القوية لي كاتجمعوا بالفنانين اخرين بحال الجاسوس و البنج…
