طلق الرابور المغربي ايهاب اقبال المعروف فالساحة الفنية باسم حليوة، طراك جديد بعنوان “FRIW KRIW” ولي عبارة على تتمة للكلاش مع فنانين الراب الجزائري.
طراك لي حمل عنوان “FRIW KRIW”، لقى اعجاب كبير من عند الجمهور المغربي و المغاربي و كذلك بعض فنانين الراب لي بارطاجاوه واخا عندهم مشاكل فالماضي مع حليوة ابرزهم Don Bigg.
انشر الرابور المغربي و واحد من اعمدة الراب فالمغرب فصطوري على الحساب ديالو فانستقرام ” “من علامة الساعة يعجبني حليوة ولكن هاد طراك عجبني دابا ماضريتينيش فودني بالغوات”.
و تابع الرابور المغربي فصطوري اخرى “حليوة بالنسبة ليا نتا لي ربحتي، غير هو نتا ديالنا حشومة نعطيها ليك بالدينار” فاشارة للمسابقة لي كان طلقها Don Bigg للفنانين الجزائرين الى شي واحد كلاشاه مزيان غادي يعطيه 2 مليون دينار جزائري.
