من بعد الفشل الكبير لي عرفو البوم “LaStreet” و غضب الجمهور لي تلقاه 7liwa من الجمهور ديالو، رجع هاد الاخير بميكستايب جديدة و لي هي عبارة على النسخة الثانية من الميكستايب “ولد فاطمة 2”.
الميكستايب “ولد فاطمة 2” ولي كاتكون 11 الاغنية عرفات المشاركة ديال الرابور @عصام و فاجىء فيها حليوة الجمهور ديالو بالنسخة الثانية من طراك “بطل العالم” ولي كايتعتابر من اهم و اشهر الطراكات فالمسيرة الفنية ديالو.
و كاتعتابر ميكستايب ولد فاطمة هي اشهر مشروع ولي لقى نجاح و اعجاب كبير للحليوة عند الجمهور و لي خلاتوا يتعتابر الرابور رقم واحد فالمغرب و عرفات نجاح فالمغرب و خارج المغرب.
حليوة من بعد نهاية العقد لي كان جامعوا مع شركة الإنتاج Sony Music كان علن بانه غادي يرجع كيفما عرفوا الجمهور و هادشي لي وقع، فمجرد ما طلق الميكستايب فالمنصات الموسيقية و فاقل من 24 ساعة قدر يتصدر جميع المنصات.
الميكستايب ماتصدراتش غير المنصات الموسيقية بل تصدرات حتى الطوندونس المغربي فاليوتوب و تصدرات الطوندونس الموسيقي كذلك فالعديد من الدول العربية.