طلق الرابور المغربي المعروف فنيا باسم الفردة، ثالث ألبوم فالمسيرة الفنية ديالو بعنوان “Cagoulé” ولي كايتكون من 13 طراك.
كايتعتابر هاد الألبوم هو ثالث ألبوم فالمسيرة الفنية ديالو بحيث سبق و نشر السنة 2019 أول البوم ديالو و لي كان حمل عنوان “Cauchemar” ولي لقى نجاح كبير وحقق أكثر من 25 المليون مشاهدة على اليوتوب.
طلق ثاني ألبوم ديالو بعنوان “Tonton” سنة 2021 ولي حقق اكثر من 36 مليون مشاهدة على اليوتوب.
البوم الجديد لي بعنوان “Cagoulé” عرف مشاركة 3 ديال الفنانين ولي هما Dollypran، Diib، و Denom.
وعرف كذلك الألبوم مشاركة منتجين كبار معروفين فساحة الفنية العالمية و المغربية كالمنتج Hades لي سبق للفردة و تعامل معه فالعديد من الأعمال الناجحة و لي كان شرف على الالبومات الاولى ديال الفردة.
كذلك تعامل مع المنتج Skizo Beats ولي شارك فبزاف الانتاجات ديال الفردة و تعامل معه فأعمال اخرى ولي لقات كلها النجاح و الإعجاب الكبير من عند الجمهور.
اما النسبة الكبيرة من الألبوم كانت من انتاج المنتج و الرابور المغربي Ali Moriva ولي سبق له و شرف على انتاج بزاف الاعمال ديال الفردة.
الألبوم الآن متوفر فجميع منصات توزيع المعروفة:
