مراد حلحول المعروف فنيا L7or أو شاعر الأحزان تزاد فمدينة الفنيدق سنة 1991.
بدات موهبة مراد فالراب كاتبان بالكتابة ومن بعد عام بدا كايسجل أول طراكات ديالو “هذا زمان” ، “ديوانة”… وبزاف طراكات لي عمرهم خرجوا للجمهور.
فترة مابين 2009 و 2010 بدا كايخرج طراكات رسميين أشهرهم “الحر رجع”، “الفنيدق 75”…
2010 و 2011 طلق الرابور L7or أول البوم ديالو بعنوان “الفنيدق/ألف/75” ولي غادي يخلي جمهور الراب المغربي يتعرف على الحر.
من بعد عام طلق الحر ثاني البوم ديالو بعنوان “أمر الواقع” و كان فيه collaboration مع أمير القوافي.
الحر غبر على الساحة الفنية لمدة طويلة لأكثر من عاميين ورجع ف 2017 بفيديو كليب طراك جديد بعنوان “مهما كان” ولي لقا نجاح كبير و عدد المشاهدات كثر من +12 مليون فيوتوب.
2018 عرفات رجوع الرابور L7or بشكل رسمي لساحة الفنية بفيديو كليب “خليوني” ولي فات عدد المشاهدات كثر من +36 مليون فاليوتوب.
2019 طلق فيديو كليب لي دار ضجة كبيرة فالمغرب و خارج المغرب ولقى نجاح كبير و عدد مشهدات الفيديو كليب فات 48 مليون مشاهدة فاليوتوب و كان بعنوان “الغريب”.
الحر أو شاعر الأحزان هو واحد من فنانين الراب لي عرفوا نجاح كبير فسنوات الاخيرة و استطع يوصل لجميع الفئات العمرية و جميع الأشخاص.
