من السياسة الى الموسيقى، عرف هاد الأسبوع تطور كبير فالحرب بين المغرب و الجزائر و تحول من السياسة الى الموسيقى و بضبط موسيقى الراب.
الحرب الموسيقية بدات من بعدما نشر فنان الراب الجزائري Didine Canon فيديوات لي كايهاجم فيهم الرابور المغربي ايهاب اقبال المعروف فالساحة الفنية باسم “7liwa“.
و هادي ماشي اول مرة فين غادي يهاجم الرابور الجزائري الفنانين المغاربة فسبق له فسنة 2019 و انشر فيديو كليب ولي كلاشا فيه بعض فنانين الراب بحال الفردة، CB4Gang…
حليوة غادي يجاوب الرابور الجزائري بطراك كلاش لي كان بعنوان “Didine Cartoon”، هادشي لي غادي بعض فنانين الراب الجزائري انهم يهاجموا حليوة و يعايروه.
من بعد السب و الشتم و الهجوم الكبير لي تعرض ليه حليوة من الفنانين الجزائريين، هادشي ماغاديش يعجب بزاف الفنانين المغربة و غادي يخليهم يوقفوا فصف الرابور المغربي رغم انهم كانوا فخلافات كبيرة معاه.
و انشر الإعلامي و المنشط المغربي صامد غلان “روابا ديال المغرب، كاتقتلونا غير بالبيف بيناتكم، و السطوريات ديال والو و الختورية ديال ميكيات. بنادم كايشلض فبلادكم و قليل فيكم لي تحرك. إلا كان شي فلو و شي كلام يبان دابا، بلاما تخرجوا من بعد كاتحنقزو. لي عندو نفس، بلاما يجي من بعد يلعب فيها سبع. هادشي موجه لمالين الكلاشات خصوصا.”.
مباشرة بعد غادي يتحركوا فنانين الراب المغربي و هادو هما بعض الفنانين لي وقفوا فصف الرابور حليوة هما: Demon، Diib, Guzman, Don Bigg.
