معروف فالعالم كامل ان نهار 14 فبراير هو يوم لي كايحتافلو فيه عيد الحب و هو مناسبة باش يعبروا الناس لبعضياتهم على الحب و المودة و التسامح بيناتهم.
و بهاد المناسبة قام فريق عمل سمفونيات باختيار 10 اغاني مغربية على عيد الحب باش تقدروا تسمعوا ليها مع الشريك ديالكم.
- اغنية “و”نا معاك” لي جمعات اسماء المنور و سعد المجرد و هي اغنية خرجات بمناسبة عيد الحب سنة 2014.
- فيديو كليب اغنية “Nota” ديال الرابور و الفنان المغربي Dizzy Dros ولي ربح بها مؤخرا جائزة افضل فنان فشمال افريقيا.
- فيديو كليب “حبك انت” و لي جمع الفنان المغربي زهير بهاوي و الفنانة المصرية كارمن سليمان.
- اغنية “My Lady” ديال الفنان و الرابور مسلم و لي كان خلق بيها الجدل و حققات نسبة مشاهدة عالية و كذلك دخل بيها ترتيب افضل 100 اغنية عربية فسنة 2021.
- “كيفاش نخليك” لي جمعات الملحن و الفنان محمد الرفاعي و الفنانة هند سداسي و لي تعتابرات من انجح الاغاني المغربية فسنة الماضية.
- طراك “Moral” لي جمع الرابور المغربي Inkonnu ولي كان فالالبوم عربي و جمعوا بالمنتج Nouvo.
- فيديو كليب “اول حب” ديال الفنان الدوزي ولي حكا فيه الفنان المغربي على قصة حب بين 2 ديال الناس من ذوي الاحتياجات الخاصة.
- فيديو كليب “انت” ديال الفنانة المغربية منال ولي شارك فيه الزوج ديالها.
- اغنية “سمعني نبضك” ولي هي اول فيديو كليب للفنانة المغربية سلمى رشيد.
- اغنية “وحدة وحدة عليا” ديال الفنان المغربي ايهاب امير
