أحمد سلطان مغني مغربي امازيغي، عاندو بصمة كبيرة فحركة ” نايضة” هاد الفنان الأمازيغي كيمتاز بواحد نمط ديال الموسيقى خاص بيه هو باش تشهر كثر سميتو “Afrobain Music” بنجاح ديالو وصل لقلب الجيل لي كان فيه أو ليجاو موراه.
الأغنية لي شهراتو كثر أو بينات الصوت أو اللحن الخاص ليكيتميز بيه بحدو ” يا سلام” مع “Afrodiziac”.
2005 دار أحمد سلطان الالبوم لول “Tolerance”, كان بنسبة ليه مرجع ليغادي يكمل بيه المسيرة الفنية ديالو هو نوع من الموسيقى جامع بين افريقيا أو مغربي. احمد سلطان ماشي غير مغني بأربع لغات محلية أو عالمية (الدارجة، الأمازيغية، فرنسية، الإنجليزية)، هو حتى كاتب الاغاني و موسيقي. عاندو واحد الميزة خاصة كايتواصل مع الناس بسهولة.
كان الالبوم الثاني ديالو ف 2009 سميتو “code” أو تشهر فصعيد العالم أو عطاه واحد طاقة جديدة إيجابية باش يزيد يطور راسو، أو هادشي واضح فواحد جوج كليبات صورهم فدكار مع المغني سنيغال Fafadi.
عام 2010 بان أحمد سلطان فالبوم ديال Neyo فاغنية “Amazing you”.
عام 2012,2013 ترشح فالبرنامج الجوائز العالمي EMA worldwide و ربح جائزة احسن مغني فافريقيا، الهند شرق الأوسط و ربح الجائزة الأولى في فئة بوب المغربي.
أحمد سلطان ولى سفير الأمل لشباب الأفارقة ليعندهوم طموح أو بغاو حياة زوينة او فيها كرامة.
